L'école de langue à Saint-Anne

Am halb 6i bini schweissbadet ufgwacht, aber nid wegmna schlechta Traum, sondern wills eifach schu 25°C in minem Zimmer isch. Nochemna super guata Filter Kafi nd amana Fruchtsaft, sind i und mini Gastmuatter in dSchual abagloffa. Nochdem i festgstellt han, dases no steileri Weg git, als dr Stutzweg bi da Esel zMalix, simmer bald ir Schual acho, im Zentrum vu Saint-Anne. Das Städtli isch würkli klii, vilicht öpa so gross wia Malix nd Churwalda zema... Zerst hets an Iitrittstest ge, nd i bin jetzt immerhin bi da Fortgschrittna iteilt worda. Zbesta isch eifach, dasi abxeh vum Lehrer Jerôme dr einzig Ma ir Klass bin, total dr Ma im Korb. Nd ja, as het echt veeeery hübschi Mädels do, aber me wet i jetzt do zu dem Thema nid sega. Am 12i isch dSchual fertig xi, nocher simmer zema, als dSchwiizer go Pizza essa, nd han festgstellt dass do alles sau teuer isch. ZBenzin kostet z.B. zwüscha 3 nd 4 Euro pro Liter:D Nochemna Spaziargang durch St-Anne ndem Strand, bini wieder Hai ganga. Bald hets zNacht ge, a meeeega feini Fischsuppa, wo zwar usxeh het wia schu mol gessa, aber isch echt fein xi. Während i nochem essa dUfgaba gmacht han, isch plötzlich wiedr üüüüberall dr Strom weg xi. Darum bini nocher no in dStädtli aba mit da anderna vur Schual ins Strandpub. Döt hets übrigens au wireless.

Do wirds übrigens zganza Johr dura am 6i Obig.... aber isch voll easy...