Über da Dächer vu Bordeaux

Hallo Suisse :)

So i bin jetzt grad ufgstanda, und mini Fründin isch bereits ir Schual. I luaga do us minem Zimmerfenster usa, und ma xeht eifach wunderschön über dDächer vu Bordeaux :) Gestr, also am Sunntig, simmer kurz vorem Mittag an a Markt ganga, hend üs mit feina Sacha ideckt, und hend am Ufer gschlemmt wias nur ganga isch. Feina Spiass mit Meeresfrücht, as Gläsli Bordeauxwii, Kääs, feina Änischuacha und zum Dessert no Éclaires und Erdbeertörtli :D Zema mir Laura simmer denn no biz go Touri mässig Bordeaux aluaga, sprich alli mit Fotiapparat bereit:D Denn simmer no in dAltstadt ganga und hend üs bimana Gläsli Wii entspannt...

Am Obig hemmers denn wieterhin ruhig agoloh und hend stundalang zNacht gessa. Herrlich das französischa Leba....

Fotis folgend denn leider erst weni dihei bin...