Reisetipps

• Menscha
• Verkehrsmittel
• Verpflegig
• Musig

Menscha

Also dMenscha in Gwada sind sehr offa und extrem fründlich. Jedoch muassma wüssa, dasses ganz vieli jungi, aber teils au älteri Lüüt git, wo ab und zua a Line Koks ziahnd, und denn werdend dia Lüüt recht unerträglich, und vorallem undurchschaubar. Zglicha giltet übrigens mitem Alkohol, wobi das Problem bi allna Altersbereich giltet. Was aber no interessant isch, dass das Phänomen Droga und Alkohol praktisch nur bi Männer entdechbar isch.

Reisende Fraua müassend sich übrigens chöna dra gwöhna, dass dMänner gera mol hinano pfiffend und sehr viel agsprocha werdend mit, in europa nid so üblicha, sehr direkta Amachsprüch.. Ir Nacht würi sogar sega dasses für Fraua ziemlich gföhrlich chan si, wenn allai unterwegs sind.

Leider muassma au sega, dass dLüüt in Gwada eigentlich nid so froid an Tourista hend, wills zGfühl hend, dases nid ufs Geld vu da Tourista agwiesa sind. Aber als Tourista töff ma eifach nia vergessa zum schön fründlich blieba, und denn chund meistens auch Fründlichkeit zrugg...

Und denn isch no öpis, mit dem hetti echt nid grechnet ufera Karbikinsla: Alli junga Lüüt, i sega jetzt mol vu 15 bis 30gi wenn alli si wia SnoopDog oder 50 Cent oder Tupac oder wer au immer. As isch eifach total Ghetto Island, alli hend dHosa in da Knü, und voll dia pimpta Autos :D

Verkehrsmittel

DVerkehrsmittel in Gwada sind eifach geil :) As git leider kais Zugsverkehrsnetz, wia au keis regelmässigs Busverkehrsnetz. Jedoch chan ma eifach an Strossarand stoh, und innerhalb vonera halb Stund chunt bestimmt an agschriebna Bus verbi, wo di in dini Richtig mitnimmt. Und zbesta an den Büs isch eifach, dass döt immer, egal zu wellara Tagesziit, immer Party drin isch! As lauft immer super Karibikmusig, oder abgspaceta Komerz HipHop :D 

Verpflegig

Das isch min liablings Punkt in Gwada: Essa und Trinka! Abxeh drvo, dass mini Gastmuatter nid het chöna chocha, chama in Gwada uuuunglaublich guat essa, vorusgsetzt, ma het gera Fisch und Poulet. As git nämlich usgsprocha guati Fisch direkt usem Meer verstoht sich. Vivaneau und Dorade khörend vu miar usxeh zuda herkömmlichst besta Fisch woma döt chan essa. Das ganza no mit feina Crudité, z.B. mit Pommes Frites, Salat oder Gratin, wiames gera hetti. Ganz feini Erfahrig isch au Brochette de Requin xi, das isch Haifisch am Spiass. Das isch wundervoll würzigs Fleisch, jedoch bini biz drgega dass ma zviel Tiar esst, wo so rar sind wiana Hai, wobi muassi no drzua sega, dass ma nur Riffhai isst in Gwada, und do chani us erfahrig sega, dases gnuag het vu dena...

Denn isch Poulet Colombo no a Spezialität vu Gwada. Das isch an Poulet Schenkel mitera feina Sauce mitera kreolischa Würzmischig, wo a biz nach Curry schmöckt. Natürlich isch dia ganzi kreolischi Chuchi an Gaumaschmaus. Wer no me über dia kreolischi Chuchi ma erfahra, söll doch de folgendi Pfiil aklicka: ==>

Was i aber fast schu als Geheimtipp wür teklariara, sind Agoulou und Boskit. Dia gits zwar fast an jeda Fastfood Stand zkaufa, aber will jeda uf dia kreolisch super Chuchi us isch, probiarend vieli dia eifacha Fastfood Sacha vum Stand nid us, und dia sind eifach göttlich. Dia zwei Sacha sind wia Hamburger, eifach mitemna andera Brot. Agoulou isch z.B. toastets Brot und bim Boskit isches frittiarts Brot, tönt doch herrlich:)

Musig

Wer Gwada so richtig erleba will, muass sich natürlich au dia iheimischi Musig ina ziah: Zouk. Zouk isch so typischa Karibik Sound mit ganz gmüatlicha und erholenda Kläng. Drzua gits no Zouk Love. Das isch eifach dr Schmusesound schlecht hin. Vieli Lüüt hend miar xait, dass wenn ma Zouk Love tanzt, dass ma sich uf as Plättli am Boda söll stella, und nia mit da Füass usserhalb vu dem Plättli döff stoh. Sprich ma bewegt nur dHüfta und isch ganz ganz nöch binanand. An Tipp drbi für dMänner, luagend dass dr Pilot aber wiiterhin schön tüüf flügt... INet Link: Zouk

Home